SOMEHOW

成个星期冇写Blog，因为呢排都好忙加上又病咗
晚晚唔系上课，就系去咗帮丸子手画展板
琴日仲好辛苦甘捱咗朝早两节课，我先肯去睇校医
跟住探热，38.5度，几惊校医话要隔离
好彩都只系登记下，仲嗱嗱临帮我打咗支针。
死丸子仲话想我以后都病，连讲句粗口都温柔过人
唉，琴日真系连ma大眼嘅力气都冇，又咳到呕甘滞
最搞笑嘅系，唔知系咪我传染咗俾佢，佢又话喉咙痛
甘就顺便睇埋病啦，点知D医药费竟然系我嘅两倍
如果我唔系病嘅话，我实润到佢冇声出，哼哼
然后请咗大半日假，晚修都冇去。

今日上完课就同阿蕉翻咗广州啦，途中咳到我肺都mie
成身都冇力，拖住我果个娇弱嘅身躯翻屋企
唉，好攰好攰好攰，仲有D药好苦！
系咪今年唔旺我，数落个个月都病成1，2次，唔系感冒发烧就系呕，唉。

今个星期翻咗屋企，点知翻到黎好似面目全非甘
周围都整紧，都系因为亚运
唉，尘埃满天飞，
睇怕下次翻黎都要戴个口罩
发觉我次次翻黎都好似个大乡里甘，钟意周围望
见到D着住校服嘅就觉得好怀念。

啊啊啊，快D热啦，
我想着短袖衫阿！！！

今日上完课同咪儿佢地系2饭食完饭翻宿舍
见到心理学协会D人系度宣传
原来系有个“21天不抱怨”嘅活动，
仲送咗条紫色嘅手带俾我地
当我地抱怨嘅时候，就要换另外一只手带
依21日亦都要重新开始计。
几得意，我地个个都有一条
从今日开始，我要开始我嘅21日不抱怨！
呢21日都要过得好开心，希望呢21日可以一次过搞掂！

今日上口语课换咗阿Leck黎上，好得意
多得佢发现咗丸子个英文名嘅秘密，哈哈
搞到丸子要嗱嗱临换咗个英文名
佢好得意，成日好怕丑甘笑喎
跟住仲同我讲话我个英文好cool，哈哈哈哈

听日同丸子佢地去郊游
踩单车去师岭摘士多啤梨，
好兴奋阿，今晚要早D训啦！

呢排冇乜记性，个人傻傻地
上课带错书，今日上数学课又唔记得带作业簿
今日系饭堂食完早餐又跌咗个饭卡，
好彩行系后面班男嘅好人系后面叫我跟住我好唔好意思甘讲声唔该就走咗。

天阿！！！
唔通我未老先衰？？？